"_Sholawatan Ala Gus Dur_"

Ngawiti ingsun nglarasyi ‘iran

Kelawan muji maring pengeran

Kang paring rohmat lan kenikmatan

Rino wengine tanpo pitungan 2x

***

Duh bolo konco priyo wanito

Ojo mung ngaji sayarate bloko

Gur pinter ndongeng nulis lan moco

Tembe mburine bakal sengsoro2x

***

Akeh apal Qur’an lan Haditse

Seneng ngafirke marang liyane

Kafire dewe dak digatekke

Yen iseh kotor ati akale 2x

***

Gampang kabujuk nafsu angkoro

Ing papaese gebyare dunyo

Iri lan meri sugihe tonggo

Mulo atine peteng lan nistho 2x

***

Ayo sedulur jo nglaleake

Wajibe ngaji sak pranatane

Nggo ngandelake iman tauhite

Baguse sangu mulyo matine 2x

***

Kang aran sholeh bagus atine

Kerono mapan sari ngelmune

Laku Thoreqot lan ma’rifate

Ugo haqeqot maning rasane 2x

***

Al Qur’an Qodim wahyu minulyo

Tanpo ditulis biso diwoco

Iku wejangan guru waskito

Den tancepake ing jero dodo 2x

***

Kumantil ati lan pikiran

Mrasuk ing badan kabeh jeroan

Mu’jizat Rosul dadi pedoman

Minongko dalan manjunge iman 2x

***

Kelawan Allah kang Moho Suci

Kudu rangkulan rino  lan wengi

Ditirakati diriyadhohi

Dzikir lan suluk jo nganthi lali 2x

***

Uripe ayem rumongso aman

Dununge roso tondo yen iman

Sabar nerimo najan pas-pasan

Kabeh dinakdir saking pengeran 2x

***

Kelawan konco dulur lan tonggo

Kang podho rukun ojo daksio

Iku sunnaheRosul kang mulyo

Nabi Muhammad panutan kito 2x

***

Ayo ngelakoni sekabehane

Allah kangbakal ngangkat derajate

Senajan ashor toto dhohire

Ananging mulyo maqom drajate 2x

***

Lamun plarasto ing pungkasane

Ora kesasar roh lak sukmane

Den gadang Allah swargo manggone

Utuh mayite ugo ulese 2x